[News + Article] 林峯對著手機狂啜 + Rain Li Greeted Raymond Happy Birthday in Her Blog - 10/12/2006

■情到濃時，林峯突然對住電話連啜兩啖（箭嘴示）……搞到跟前的店員不知所措，唯有擰歪面。

■林峯lum女招數咁叻，難怪緋聞女友一大籮，唔知鍾嘉欣有否試過同林生玩「啜爆」呢﹖


■把冷帽拉到眼簾的林峯，一坐低即狂按電話發送短訊，使唔使咁急﹖

■林峯傾電話傾到咁陶醉，連記者埋身影相都唔知。


■貪靚姿整的林峯，置裝期間，不時進出試身室對鏡自照。

■埋單時，聽到店員讚他「大隻」，林峯即開懷大笑，乜咁易tum﹖
■記者發現林峯上車後，即急忙打電話，唔使咁急丫﹖

「男人不壞，女人不愛﹗」出道至今緋聞不絕的林峯，雖然風流過人，但依然大把女人爭住上，皆因林峯不但有型靚仔、家底豐厚，lum女招數更是多到你估唔到。日前，本報於林峯赴加國拍外景前，曾近距離見證他出招lum女的情況，為lum女，林峯當眾啜爆電話都肯制，lum爆﹗未知緋聞女友鍾嘉欣點睇呢﹖
　　
現時身處加拿大拍攝新劇《歲月風雲》外景的林峯，本周一（12月4日）下午五時許，林峯趁住未起行，單拖到銅鑼灣名店掃貨置新裝。


　　姿整大少狂照鏡
　　 現場所見，戴上冷帽的林峯，在名店「Shine」置裝，只見他狂試戴銀手鏈及太陽眼鏡期間，不時對鏡自照，戴又照下、除又照下，左睇右睇，夠晒姿整，揀完一輪配飾後，林峯仍意猶未盡，揀了大堆貼身上衣入更衣室試身，試足成粒鐘才扑槌買下四件衫及兩條鏈，埋單兩千有找。

　　 置裝後，林峯走到附近餐廳坐下，記者發現，林峯刻意選擇背對門口的吧頭位置坐下，並即時點了杯生啤後，便著緊地拿著電話收發短訊，其間只見他不時望著電話傻笑。發足十五分鐘短訊後，電話終於識響，林峯緊張地接聽，還不時兩頭望。由於餐廳內人客稀疏，故林峯放下戒備，全情投入跟對方談心，還不時細聲講大聲笑。


　　肉麻情話嚇人
　　 未知是否傾得過份投入，即使記者走埋身邊拍照也未有察覺，記者走近林峯身邊時，聽到他正跟電話中人說﹕「哈﹗咁你想點丫﹖嘿嘿嘿，啊﹗你敢﹖我會好Hurt o架……」認真骨痹﹗林大少lum女確有一手。肉麻情話傾極唔完，直至記者聽到林峯以嬌俏聲線講「拜拜﹗」時，發現他突然興起，把電話放在嘴邊連啜兩啖，嘩﹗唔使呀﹖

　　 啜爆電話後，林峯匆匆埋單離開餐廳，出門時發現有記者的他，先愕然後微笑，然後急急腳跑上其平治跑車，由司機接送離開。


Rain Li Greeted Raymond Happy Birthday in Her Blog

8/12係我一位入行之後認識嘅朋友嘅生日........
首先祝佢生日快樂............
雖然佢有佢忙..............
我有我忙..........
但係我都會記得Lee個大日子............
我諗佢應該喺外地工作......
Anyway.............我喺我嘅夢裏面已經遇見倒佢..........
仲同佢講左生日快樂.............
希望佢喺佢嘅夢裏面都同樣感受到我嘅祝福啦................

LINK:
http://hk.myblog.yahoo.com/jw!2oCKV1mAER5REBgjUd.cwWcK/article?mid=9776&prev=9818&next=9730