[** Cool Magazine Scans + Articles] 車人一句 : 深藏不露 林峰 × Mercedes-Benz E63 AMG -- 16/5/2007

很 多 剛 剛 紮 起 的 男 artist 都 愛 擺 款 ， 搵 到 少 少 錢 就 即 刻 換 車 兼 換 女 ， 結 果 惹 來 負 面 報 道 。 林 都 愛 擺 款 ， 擺 的 是 低 調 款 ， 懶 理 人 家 充 大 頭 鬼 ， 自 己 明 明 出 身 富 貴 ， 有 個 被 稱 為 「 廈 門 李 嘉 誠 」 的 地 產 商 老 豆 ， 但 卻 成 日 話 好 窮 冇 錢 。
平 治 E63 AMG 與 林 有 一 個 最 大 共 通 點 ， 就 是 外 表 低 調 、 背 後 猛 料 ， 單 從 外 表 根 本 估 唔 到 佢 比 普 通 E-Class 貴 近 2 倍 ， 馬 力 有 成 5 百 幾 匹 。 有 時 有 料 是 不 需 要 刻 意 說 給 人 知 的 ， 唔 通 我 學 過 如 來 神 掌 又 話 你 知 咩 ？

在 訪 問 林 前 我 做 了 不 少 有 關 他 的 資 料 搜 集 ， 除 了 文 字 上 的 ， 更 向 身 邊 的 人 問 意 見 ， 套 料 後 卻 被 多 人 要 求 我 問 林 在 《 溏 心 風 暴 》 內 的 結 局 係 點 ？ 係 咪 車 禍 死 ？ 大 佬 呀 ！ 我 做 《 車 人 一 句 》 訪 問 ， 只 係 講 車 咋 ， 咩 八 卦 新 聞 唔 問 得 唔 得 呀 ？ 結 果 我 還 是 問 了 ， 而 且 因 為 這 個 話 題 ， 知 道 原 來 現 實 中 要 林 炒 車 都 幾 難 ， 更 何 況 炒 到 死 人 。

E63 繼 續 瘋 狂

自 從 AMG 在 99 年 正 式 收 歸 平 治 門 下 後 ， 新 車 推 出 的 速 度 不 單 止 快 ， 性 能 表 現 一 部 比 一 部 瘋 狂 ， 就 以 E63 為 例 ， 用 上 全 新 的 車 頭 造 型 ， 車 尾 加 上 小 尾 翼 及 4 出 式 尾 喉 ， 有 不 怒 而 威 的 感 覺 。 馬 力 方 面 ， 則 由 facelift 前 頂 級 E55 的 476 匹 加 到 514 匹 ， 加 速 力 更 驚 人 ， 一 般 超 級 跑 車 都 未 必 係 佢 對 手 。

不 再 依 賴 Supercharger ， 只 加 大 容 積 便 可 有 達 514 匹 的 馬 力 ， 難 怪 林 話 香 港 完 全 用 唔 。

前 座 除 有 電 動 及 承 托 力 調 校 外 ， 用 料 更 是 夾 雜 真 皮 與 皮 ， 增 加 對 肩 部 磨 擦 力 。 林 亦 覺 得 它 的 表 現 全 面 ， 而 且 很 容 易 便 調 校 到 最 好 的 坐 姿 。

要 制 停 超 強 的 高 速 ， 新 款 18 吋 輪 圈 內 是 巨 型 6 pot 卡 鉗 及 鑽 孔 透 氣 碟 。 林 沒 有 說 它 的 表 現 如 何 ， 只 說 外 表 好 嚇 人 ， 一 望 就 知 是 辣 車 。

遠 望 與 普 通 E-Class 的 分 別 不 大 ， 但 只 要 留 心 一 點 便 發 現 加 有 尾 翼 及 4 出 式 排 氣 喉 。 林 覺 得 4 出 式 排 氣 喉 最 吸 引 ， 外 表 靚 之 餘 又 不 會 嘈 吵 。


畏 高 又 怕 速 度

十 個 有 九 個 駕 駛 者 都 鍾 意 速 度 感 ， 很 難 想 像 林 是 第 十 個 。 「 我 唔 得 ！ 一 開 快 已 經 令 我 怕 怕 ， 覺 得 好 冇 安 全 感 ， 唔 知 係 咪 同 我 畏 高 有 關 ？ 」 我 信 林 講 ， 因 為 多 年 前 我 在 觀 塘 繞 道 遇 上 他 ， 那 時 我 正 開 一 部 新 車 在 快 線 ， 而 另 外 兩 名 同 事 在 中 線 的 公 司 車 上 ， 正 想 舉 機 拍 攝 時 ， 卻 被 中 線 林 的 車 擋 ， 當 時 他 約 只 行 70km/h ， 及 後 他 更 愈 行 愈 慢 。 「 我 本 身 已 經 慢 啦 ！ 仲 要 無 啦 啦 有 人 舉 機 影 相 ， 我 以 為 係 狗 仔 隊 嘛 ！ 所 以 咪 再 慢 。 其 實 我 覺 得 我 呢 行 人 ， 可 能 有 幻 想 被 迫 害 病 ， 我 家 車 可 能 有 一 半 時 間 望 倒 後 鏡 ， 睇 有 冇 人 跟 蹤 ！ 」 似 乎 狗 仔 隊 對 林 的 駕 駛 都 會 構 成 一 定 影 響 。 「 試 過 有 一 次 同 撈 家 （ 羅 嘉 良 ） 去 食 飯 ， 被 狗 仔 隊 狂 追 ， 佢 車 險 象 環 生 ， 次 我 差 撞 呀 ！ 結 果 我 咪 又 再 慢 行 ， 安 全 至 上 。 」 狗 仔 隊 無 疑 偶 有 危 險 舉 動 ， 既 然 林 不 會 逃 避 ， 又 何 需 成 日 望 倒 後 鏡 ， 倒 不 如 集 中 精 神 望 前 方 開 車 。

同 樣 地 ， 林 試 開 514 匹 的 E63 時 仍 是 一 派 悠 然 自 得 ， 根 本 冇 打 算 開 快 ， 找 他 試 辣 車 ， 原 來 錯 晒 ！ 要 試 出 E63 狂 野 一 面 ， 還 是 由 筆 者 補 上 。 之 前 試 過 的 E55 原 地 起 步 也 可 burn 胎 已 印 象 深 刻 ， 今 次 E63 的 大 容 積 引 擎 則 是 天 生 的 高 速 狂 ， 100km/h 打 後 的 中 尾 段 加 速 才 是 戲 肉 所 在 ， 速 度 指 針 全 沒 有 阻 力 似 的 直 線 上 升 。 此 外 ， 它 的 波 箱 緊 密 ， 令 引 擎 基 本 上 全 時 間 都 是 發 力 區 ， 以 香 港 的 交 通 情 況 ， 你 只 會 因 沒 有 直 路 狂 奔 而 掃 興 ， 不 會 因 乏 力 而 沮 喪 。 林 怕 被 狗 仔 隊 跟 ， 以 E63 的 加 速 力 便 沒 有 這 事 了 ， 怕 只 怕 林 不 夠 膽 開 快 吧 ！



6 年 冇 換 車

林 是 無 線 近 年 力 捧 的 四 大 小 生 之 一 ， 差 不 多 每 個 月 都 有 他 的 劇 集 上 。 人 紅 了 ， 有 沒 有 打 算 換 車 ？ 「 冇 錢 呀 ！ 邊 有 咁 多 錢 呀 ？ 我 家 部 車 行 得 走 得 ， 而 且 我 只 當 佢 係 代 步 工 具 ， 有 得 用 就 算 。 」 林 口 中 的 代 步 工 具 是 1 部 上 代 的 平 治 SLK （ 易 手 價 約 $180,000 ） ， 不 實 用 到 連 在 場 的 經 理 人 也 要 求 他 換 車 。 對 汽 車 看 似 沒 有 要 求 ， 為 何 當 日 又 要 買 部 實 用 不 足 型 格 卻 十 足 的 SLK ？ 「 其 實 呢 部 係 我 第 1 部 車 ， 我 原 本 想 買 部 日 本 車 就 算 ， 但 屋 企 人 話 一 係 唔 好 買 ， 一 買 就 要 買 歐 洲 車 ！ 話 安 全 喎 ！ 而 揀 SLK 就 因 為 我 鍾 意 佢 夠 細 易 泊 位 ， 加 上 當 時 識 人 買 ， 平 少 少 。 」 一 讀 完 藝 員 訓 練 班 出 來 便 考 車 牌 ， 然 後 再 買 一 部 新 SLK 「 代 步 」 ， 實 在 羨 慕 死 人 ， 當 年 更 有 很 多 報 道 話 林 係 二 世 祖 唔 憂 米 ， 又 係 ， 幾 千 蚊 一 個 月 人 工 點 供 ？

雖 然 以 前 被 人 叫 二 世 祖 ， 但 林 一 於 少 理 ， 只 做 自 己 的 事 ， 今 天 的 車 仍 是 6 年 前 的 那 部 。 「 我 有 好 多 時 要 上 大 陸 拍 劇 ， 其 實 部 車 我 諗 已 經 有 幾 年 冇 開 過 個 篷 ， 都 唔 知 仲 開 唔 開 到 ， 我 初 初 買 時 都 會 開 ， 但 漸 漸 發 覺 開 篷 好 招 搖 ！ 而 且 我 成 日 要 行 隧 道 ， 點 開 住 個 篷 呀 ？ 成 面 都 係 塵 呀 ！ 」 我 對 他 說 ： 「 你 家 都 已 經 出 道 多 年 ， 而 且 都 叫 做 有 成 績 ， 換 部 E63 都 唔 係 好 過 分 ？ 」 林 都 係 句 ： 「 冇 錢 ！ 」 唔 知 係 咪 我 訪 問 當 日 衣 衫 襤 褸 ， 佢 以 為 我 會 問 佢 借 錢 ， 點 解 成 日 強 調 冇 錢 ？

其 實 我 覺 得 ， 要 是 刻 意 地 扮 窮 、 扮 低 調 是 很 辛 苦 的 ， 林 口 中 的 冇 錢 ， 只 是 想 表 明 自 己 不 需 靠 屋 企 ， 要 靠 自 己 打 拚 回 來 才 有 成 功 感 ， 這 刻 真 想 對 林 說 ， 與 其 把 自 己 想 要 的 、 想 講 的 也 克 制 住 ， 倒 不 如 大 大 方 方 做 回 自 己 。 如 果 換 車 可 以 完 全 擺 脫 富 貴 屋 企 的 包 袱 ， 你 又 願 意 換 部 日 本 房 車 嗎 ？



Mercedes-Benz E63 AMG Spec.
引 擎 ： 6,208c.c. V8
馬 力 ： 514ps/6,800rpm
扭 力 ： 630Nm/5,200rpm
傳 動 ： 7 前 速 自 動 波
0-100km/h ： 4.5 秒
車 價 ： $1,409,000
查 詢 ： 2594 8128
（ Mercedes-Benz Performance Studio ）

初 代 SLK 是 林 第 1 部 車 ， 亦 是 現 行 的 座 駕 ， 用 足 6 年 未 諗 過 換 。 你 話 佢 係 殘 車 ？ 係 有 點 殘 ， 不 過 你 見 唔 到 佢 個 車 牌 咋 ！ 牌 價 分 分 鐘 貴 過 部 車 ！

我 一 定 要 林 諗 一 部 想 換 的 車 ， 本 以 為 是 拉 利 林 寶 一 類 supercar ， 點 知 係 實 用 型 的 Audi Q7 。

林 試 車 時 開 得 不 快 ， 問 他 E63 的 快 車 表 現 是 多 餘 ， 反 而 他 對 車 廂 的 舒 適 性 有 好 評 ： 「 最 正 係 架 車 咁 辣 ， 但 車 廂 竟 然 豪 華 又 舒 適 ， 我 雖 然 開 得 唔 快 ， 試 唔 到 佢 真 正 威 力 ， 但 佢 慢 車 時 又 同 普 通 房 車 一 樣 ， 易 到 不 得 了 ， 只 係 油 門 比 較 敏 感 ， 只 要 稍 為 適 應 就 得 。 」

處 境 相 似 　 效 果 不 同

林 是 圈 中 出 名 的 有 錢 仔 ， 而 且 又 係 剛 剛 走 紅 ， 但 真 係 估 唔 到 佢 低 調 又 慳 家 。 其 實 娛 樂 圈 中 什 麼 人 也 有 ， 同 林 處 境 相 似 的 人 ， 卻 選 擇 以 不 同 的 車 來 表 達 自 己 。

有 錢 唔 紅 拉 利

Juno 出 道 多 年 都 未 彈 起 ， 不 過 佢 老 豆 同 林 老 豆 一 樣 有 米 ， 有 人 照 就 唔 同 ， 05 年 先 考 到 車 牌 ， 老 豆 就 即 刻 送 部 拉 利 430 ， 最 近 仲 買 多 部 599 ， 正 牌 二 世 祖 生 活 。 不 過 如 果 我 老 豆 有 錢 ， 我 都 會 咁 做 。

冇 錢 彈 起 大 花 筒

話 題 之 王 吳 卓 羲 以 前 只 係 cheap cheap 舞 蹈 藝 員 ， 但 被 無 線 力 捧 後 ， 現 時 當 紅 程 度 同 林 不 相 伯 仲 ， 不 過 使 錢 方 法 就 大 大 不 同 。 先 是 出 道 冇 耐 已 經 戴 名 表 ， 然 後 再 買 部 新 車 價 成 70 萬 的 Audi Allroad ， 仲 未 算 喎 ， 去 年 再 買 多 部 Fairlady Z33 女 ， 勁 ！

补充一个：

娛樂便姨 : 吳卓羲未見底

無 情 情 食 死 貓 捲 入 球 場 爆 粗 衝 突 ， 便 姨 都 戥 吳 卓 羲 慘 ， 不 過 話 分 兩 頭 ， 吳 生 麻 甩 眼 中 ， 形 象 有 幾 好 ， 便 姨 亦 都 無 謂 講 ， 好 在 吳 卓 羲 勝 在 後 生 樣 唔 差 ， 至 少 吸 引 師 奶 妹 妹 仔 fans 效 忠 。

上 星 期 三 （ 9 日 ） 吳 卓 羲 同 沙 煲 兄 弟 林 出 席 完 眼 鏡 活 動 之 後 就 齊 齊 閃 ， 一 出 到 門 口 ， 十 幾 個 fans 湧 埋 。 不 過 睇 睇 ， 便 姨 發 現 班 fans 全 部 都 只 係 搵 吳 卓 羲 簽 名 影 相 。 今 時 今 日 仲 有 fans 撐 自 己 場 ， 開 心 都 唔 切 啦 ， 點 知 吳 卓 羲 全 程 唧 都 唔 笑 ， 簽 完 頭 擰 轉 背 仲 嘴 藐 藐 ， 型 呀 。

阿 仔 ， 難 得 米 飯 班 主 走 唔 晒 ， 便 姨 勸 你 睇 緊 好 喎 。



點 知 轉 個 頭 見 佢 歪 嘴 眼 尾 睄 ， 同 佢 住 件 Y-3 恤 衫 唔 扣 4 粒 鈕 一 樣 咁 型 。 便 姨 只 能 講 句 ： 「 抵 你 發 啦 ！ 」



見 老 友 俾 fans 圍 ， 本 來 諗 住 速 逃 林 ， 俾 便 姨 叫 住 先 肯 停 低 ， 唔 通 趕 住 返 屋 企 睇 《 溏 心 》 ？



見 fans 等 咁 耐 ， 吳 卓 羲 木 住 嘴 同 佢 簽 名 影 合 照 ， 便 姨 仲 以 為 吳 生 進 步 添 ！