[新聞] 林峰蒙嘉慧陳敏之廖碧兒揭開完美新一頁2007 -- 1/1/2007

[新聞] 林峰蒙嘉慧陳敏之廖碧兒揭開完美新一頁2007

太陽報, 2007年1月1日

Happy New Year！話咁快又過一年！踏入2007年，本報邀得林峯、廖碧兒、蒙嘉慧與陳敏之以「睡衣Look」及「晚裝Look」送舊迎新，林公子一心想以「一王三后」姿態威盡，怎料最終變成三娘教子，慘情收場！

林峯、廖碧兒、蒙嘉慧與陳敏之同屬一位經理人，卻從未合作演出，是次難得聚首一堂，三位女士自然不放過機會，吱吱喳喳說個不停！所謂「三個女人一個墟」，上至扮靚、下至天南地北，林峯一句話也插不上口，難怪他笑說：「一心諗住『一王三后』，不知幾威，三個女仔服侍我喎！點知輸晒，佢哋三把口加埋，實在嘈到不得了，好似去冲街市咁！」三女聞言立即反擊，你一言我一語，林峯終抵受不住，「扯白旗」投降！

林峯告別遲到陋習

別看三姊妹聯手打敗林峯，其實四人Friend過打Band，談到主題「送舊迎新」，抵死的林峯笑言新一年眾女應改掉「Bi哩巴啦」的性格，迅即被三女「喪睥」，他見狀自動獻身：「我講先喇！哈哈！如果要我改，我會改冲遲到習慣，雖然朋友成日投訴，話約我要自動調校時間，但我份人有漏氣，改善工程已經進行中，請大家耐心等候！」眼見林峯如此坦白，陳敏之也豁出去：「我不嬲都有懶音，講時，人哋成日以為我舌累住去，但我控制唔到，冇辦法，改緊蕂喇！我拍心口今年應該冇問題。」

「鬼妹仔」廖碧兒則扁嘴說：「呢五年中文進步冲好多，除冲Daddy之外，身邊朋友都會教我，依家講就冇問題，睇就絕對解決唔到，所以希望有時間跟老師上堂啦！我始終係中國人，冇理由中文字都唔識多個嘛！」

蒙嘉慧擬低調結婚

至於事業、愛情兩得意的蒙嘉慧，可謂沒有陋習需要改善。談及愛情觀，她認為任何人也會經歷高低潮、開心或唔開心，但凡事只要從正面看便可以。對於近日不少女士羨慕徐子淇嫁得好丈夫，她笑言對婚姻隨緣，適當時候便是扑錘之日：「感情上冇人有心做衰人，可能以前對好多人冇信心，擔心人㳜對我唔好，但依家大冲，識保護自己，冇以前戒心咁大。不過，我即使結婚都唔希望張揚，總之依家呢刻冇諗啦！」

P/S: The images are so cute! ^_^