[Article + Image] 傻 秘 書 單 戀 癡 心 敗 家 仔 歲 月 風 雲 五 人 誌 -- 杏 兒 ： 我 同 林 峯 係 犯 賤 男 女 -- 2/10/2007

胡 杏 兒 在 《 歲 月 風 雲 》 中 情 陷 4 角 戀 ， 她 飾 演 的 癡 情 秘 書 方 秉 怡 ， 一 直 苦 戀 著 激 愛 佘 詩 曼 的 林 峯 ， 雖 然 為 對 方 不 停 付 出 ， 奈 何 只 能 當 上 佘 詩 曼 愛 的 替 身 ， 幸 最 後 能 與 馮 紹 峰 成 眷 屬 ， 總 算 大 團 圓 收 場 。 杏 兒 直 指 其 角 色 太 偉 大 ， 在 情 路 上 戇 居 又 犯 賤 ， 有 若 燈 蛾 撲 火 ！

在 無 60 集 長 劇 《 歲 月 風 雲 》 中 ， 胡 杏 兒 飾 演 的 方 秉 怡 一 直 癡 戀 華 振 邦 （ 林 峯 飾 ） ， 對 愛 情 只 有 付 出 卻 沒 有 回 報 ， 即 使 林 峯 曾 經 答 應 跟 她 結 婚 ， 但 他 始 終 心 繫 至 愛 的 榮 秀 風 （ 佘 詩 曼 飾 ） ， 直 至 杏 兒 目 擊 二 人 藕 斷 絲 連 才 終 於 心 死 ， 與 飾 演 華 振 邦 堂 弟 華 振 民 的 內 地 演 員 兼 緋 聞 男 友 馮 紹 峰 拍 拖 結 婚 ， 正 式 了 斷 跟 林 峯 拖 泥 帶 水 的 戀 情 。


「 人 有 時 就 係 戇 居 」
杏 兒 日 前 在 電 話 中 說 ： 「 我 既 角 色 唔 係 好 多 戲 份 ， 前 段 係 個 傻 女 秘 書 ， 受 松 哥 （ 劉 松 仁 ） 所 託 睇 住 林 峯 呢 個 少 爺 仔 ， 林 峯 敗 家 後 ， 我 扶 持 佢 度 過 難 關 ， 佢 同 阿 佘 一 齊 時 ， 我 一 直 都 鍾 意 佢 ， 但 我 係 愛 的 替 身 ， 後 尾 發 展 到 結 婚 ， 先 feel 到 呢 個 人 心 目 中 仲 有 阿 佘 ， 但 我 個 角 色 敢 愛 敢 恨 ， 對 佢 幾 決 絕 ， 之 後 至 同 馮 紹 峰 發 展 感 情 線 。

「喺 戲 外 睇 番 呢 個 女 仔 都 幾 傻 女 ， 呢 個 世 界 可 以 有 咁 偉 大 既 人 既 ？ 但 人 有 時 就 係 戇 居 、 就 係 犯 賤 ， 有 一 刻 可 以 一 齊 就 一 齊 ， 可 以 燈 蛾 撲 火 架 啦 ， 我 同 林 峯 都 係 犯 賤 男 女 。 」

也 許 方 秉 怡 的 偉 大 太 超 脫 現 實 ， 反 而 她 跟 華 振 民 的 發 展 來 得 自 然 ， 信 服 力 也 較 大 ， 杏 兒 說 ： 「 我 同 佢 既 感 情 線 好 平 淡 ， 當 時 我 冇 咗 林 峯 ， 佢 又 冇 咗 個 內 地 女 朋 友 ， 係 大 家 失 意 時 互 相 扶 持 ， 同 佢 唔 會 咁 激 ， 細 水 長 流 啲 ， 發 生 既 野 唔 會 轟 轟 烈 烈 ， 後 尾 我 哋 拍 拖 結 婚 ， 都 有 講 到 中 、 港 兩 地 人 結 婚 要 面 對 既 問 題 。 」

讚 馮 紹 峰 夠 紳 士
雖 然 杏 兒 和 馮 紹 峰 傳 緋 聞 ， 但 她 仍 不 避 嫌 讚 對 方 說 ： 「 馮 紹 峰 係 一 個 好 男 仔 ， 好 gentlemen ， 我 同 佢 相 處 OK ， 佢 經 常 都 有 推 薦 我 去 內 地 拍 野 ， 幾 好 架 ， 但 我 冇 同 佢 拍 拖 ， 你 哋 有 冇 好 姊 妹 介 紹 畀 佢 呀 ？ 」 問 她 會 否 擔 心 緋 聞 越 傳 越 盛 ？ 杏 兒 笑 說 ： 「 緋 聞 傳 傳 下 都 冇 啦 ， 當 古 仔 睇 囉 ， 娛 樂 新 聞 。 」

杏 兒 又 稱 與 林 峯 多 次 合 作 ， 但 沒 有 戲 假 情 真 ， 她 笑 說 ： 「 我 唔 會 拍 戲 分 唔 出 鍾 唔 鍾 意 林 峯 ， 戲 中 鍾 意 佢 ， 唔 係 真 正 既 自 己 ， 都 係 做 戲 啫 ， roll 機 時 會 投 入 角 色 ， 佢 都 係 做 角 色 啫 。 真 人 既 阿 峯 ， 人 哋 覺 得 佢 斯 文 ， 唔 會 多 野 講 ， 其 實 佢 幾 鬼 馬 ， 幾 鍾 意 講 笑 ， 個 人 都 幾 風 趣 。 」

採 訪 ： 朱 倬 誼
攝 影 ： 陳 偉 權
服 裝 ： Sistyr Moon

搶 先 睇 ： 有 情 人 排 除 萬 難

第 57 集 劇 情 講 述 危 永 標 （ 馬 德 鐘 飾 ） 全 力 研 發 豪 華 轎 車 ， 更 大 量 裁 員 減 低 車 廠 開 支 。 因 豪 華 轎 車 製 作 成 本 高 ， 永 標 吩 咐 下 屬 虛 報 原 料 價 ， 以 成 本 價 格 低 的 假 象 瞞 騙 董 事 局 。 華 文 碩 （ 苗 僑 偉 飾 ） 和 華 振 民 （ 馮 紹 峰 飾 ） 離 開 華 喆 後 ， 合 作 開 設 4S 售 後 服 務 店 ， 準 備 大 展 拳 腳 。

華 文 翰 （ 劉 松 仁 飾 ） 鼓 勵 華 振 邦 （ 林 峯 飾 ） 研 發 環 保 車 ， 開 拓 新 市 場 。 振 民 終 於 說 服 方 秉 怡 的 父 親 讓 他 們 結 婚 ， 秉 怡 更 可 以 隨 夫 居 留 北 京 ， 跟 振 民 一 起 努 力 打 理 4S 店 。 華 文 碩 成 功 重 奪 愛 人 的 心 ， 跟 汪 紹 芬 （ 鄧 萃 雯 飾 ） 復 合 。