[Article]波比搵林峰做辦執靚爛鼻—15/12/2007

生蛇變臭口 四圍辣火頭 波比搵林峰做辦執靚爛鼻
(The Sun報道)
歐陽震華（波比）早前鼻翼生蛇康復後，昨日重新投入拍劇時，聲稱爛鼻要整：「我要整到林峰咁靚仔！」明寸對方曾被傳隆鼻！
波比、鄭嘉穎、林文龍、鍾嘉欣及蒙嘉慧（YoYo）等昨日拍攝無新劇《法證先鋒Ⅱ》外景，劇中講述飾演熟悉火藥的鄭嘉穎，臨場引爆手榴彈，十分驚險！貴為去年視帝的嘉穎亦毫不錫身，親自上陣，令波比及YoYo等大讚有型。
全套劇都西裝骨骨的波比，不用多做粗重工夫，難怪特別口多，不時講笑話逗同事。他自稱鼻翼傷口有窿並長肉粒，等完全埋口便要「整整佢」，例如做激光磨皮之類，但出名口臭的他，隨口林峰開玩笑：「我要整到林峰咁靚仔，千祈唔好整到馮峰咁！」令人笑破肚皮。
慘被嘉欣毒打
波比拿完林峰開玩笑，又嘲笑快將榮升為人父的曹永廉，他投訴對方將自己的椅子據為己有，為使對方內疚，竟離遠在他面前，十分無聊！波比「玩得唔好」，其後與嘉欣拍對手戲時，嘉欣稱對方「冇畀反應」，所以慢了一拍。波比即笑笑口說：「我企你前面都要畀反應你？我咪要咁（扮中彈後退）？」嘉欣當場瘀爆，只好不停打波比發洩！