[07/14新闻]专访: 林峰光明正大未驚過 [17/7/2006]

烏龍爆錯房 林峰光明正大未驚過——太阳报

向來是狗仔隊目標的林峰，雖然近半年長駐上海拍劇，但仍躲不過狗仔隊的貼身跟蹤。上月他於當地拍劇時更遇上烏龍狗仔隊，遭人「爆房」拍照。不過卻爆錯了劇組人員的房間，令他啼笑皆非。

林峰足足在上海逗留了超過半年，在當地拍攝兩套新劇的他，更笑言已變了上海仔一名：「初頭上去唔係太習慣，但拍拍就慣晒咯，依家我上海話都見得人！」

貼身跟蹤

起初往上海拍劇，除了不習慣當地的生活節奏外，更不慣引來大批狗仔隊貼身跟蹤，林峰說：「其實好多時開工，我都知有狗仔隊在現場，但都唔理得咁多，咪由得佢跟囉！不過最搞笑就係我同陳怡蓉拍《愛情新呼吸》時，本來我同工作人員住在劇組安排宿舍，因為套劇有幾日市中心拍攝，我就貪方便去個親戚的市中心間屋度住。點知狗仔隊以為我仲同劇組一齊住，有日成隊人出去開工時，竟然有人趁清潔房間時，衝入去我住開間房度影幾張相。但當時間房已經轉畀另外一個工作人員住，我知道呢件事後都得啖笑。其實狗仔隊要跟咪跟囉！影影去咪又係影到我開工同食飯，所以都唔理得咁多。」

已經有兩年多沒有放過假的林峰，現在最希望的是有個悠長假期：「其實依家工作已經排到去明年四月，如果真係有假放話，起碼都係明年中事。」

生活脫節

林峰表示這兩年多來密密拍劇，當中雖然飾演過不同類型的角色，除了早前《女人唔易做》的文員，即將開拍的新劇飾演律師，他渴望放個長假，無非是想把角色演得更好，他說：「因為一劇接一劇的關係，尤其係我上上海成半年咁滯，成日都覺得自己好似同外面脫節咁，就連返到香港架車出街都唔認得晒路，仲覺得自己好似慢幾拍咁。所以能夠有個假期出去充電，吸收其他新事物，可能會令我有唔同的感受同新體會。就算接套新劇可能又演番《女人唔易做》面同類型角色，我都可以有唔同的睇法同演繹方式。其實有新衝擊先會有新鮮感，有進步嘛！」

後記 希望再出唱片

早前特地往加拿大登台的林峰，於當地獻唱時大受歡迎，即令他歌癮大起，林峰說：「其實之前都唱過劇集主題曲，對唱歌都有一定掌握，所以都好希望再有機會出唱片，但就要視乎公司安排。不過自己一直都有繼續練歌，因為有時登台同影迷聚會，我都會上台唱歌！」

連續兩年多沒有放假的林峰，希望有個悠長假期可以充充電。

在上海拍劇的林峰，起初對於當地的生活節奏有點不習慣。

林峰表示拍劇期間，整天被狗仔隊跟蹤。