吳卓羲力撐 林峰 斯文唔鹹濕 [20/3/2006]

2006年03月20日【星島日報】

(星島日報報道) 林峰 早前被周刊指於上海「包女」兼入房短聚，好友吳卓羲(Ron)昨日出席活動時力撐好友，既擺自己上承認有聘請緋聞女主角的孿生妹妹做助手，更指 林峰 為人不好色，甚至比他更斯文﹗　吳卓羲昨日出席「創意新衫型聚大埔超級城」花生騷，與陳見飛、王秀琳及陳小韻演繹學生們設計的時裝。由於早前演出時忘記拉褲鏈，昨日穿上火紅色西裝真空上陣的Ron稱現時每逢行騷都會有陰影，他說﹕「出場前都會睇清楚有無拉褲鏈，不過今日不用擔心，因為有人幫我睇住﹗」　對於老友 林峰 於上海「包女」及入房短聚，Ron澄清那女子只是 林峰 在內地的女助手，而他自己亦聘請了對方的孿生妹妹做助手。Ron說﹕「我之返內地拍劇都請了她的孖生妹妹幫手，她們好清楚我地藝人需要甚麼，有陣時助手都會入我房，幫我執拾出外景的東西，所以間房20分鐘都好正常，(請男仔會否好一點﹖)兩個男仔一齊又俾人話斷背架啦﹗」問到有否安慰 林峰 ，Ron說﹕「無呀，費時問佢啦，我都好錫兩個孖女，因為她們話頭醒尾。」　而對於 林峰 已幾次被指內地尋歡，問到會否覺得 林峰 花心或好色﹖Ron說﹕「出街食飯見到靚女都會讚兩句，不過唔會去親近囉，我唔覺得他花心，以我認識的他不是咁人，他比我更斯文，以同年紀的男仔來講，他比我們成熟。」

吳卓羲撐 林峰 唔花弗 2006年03月20日【成報】

吳卓羲（Ron）、王秀琳（Mango）、陳見飛和陳小韻昨日為「創意新衫『型』聚大埔超級城」。對之前不斷的新聞，他覺得是不必要是非，並拖好友 林峰 落水，因對方最近都做了封面人物，被指在上海包女入房短。他為好友澄清說：「果個真係助手黎，佢有個孖生細妹，係上次我去拍《亂世佳人》助手， 林峰 呢個就係家姐，每次 林峰 上去都係搵呢個，佢地好知我地要乜野，每朝早入房就係執好晒我地需要野去開工，要20分鐘唔出奇！」　阿Ron表示因知道情況，無謂再問 林峰 有關此事，亦相信對方不會為此事激氣，並再次讚這兩姊妹說：「我地兩個都好錫佢兩姊妹，佢地話頭醒尾。（會唔會為左避忌搵男仔做助手？）又話斷背山架啦，不過我寧願少ｄ緋聞，傳斷背山好過！」問他可覺得 林峰 花弗？他說：「佢唔花弗，咁望下女仔都會！（佢好唔好色？）佢應該唔會表露畀我睇，識佢都唔係呢種人，佢比我斯文好多。」

吳卓羲撐 林峰 冇滾 2006年03月20日【東方日報】

吳卓羲（Ron）、王秀琳等昨日出席活動，示範一系列由大學生設計的環保服飾。其好兄弟 林峰 被人拍到攬女照，阿Ron就力撐說：「個女仔係佢助手，呢個女仔仲有孖妹，果時南京拍《亂世佳人》， 林峰 搵家姐，我就搵妹妹做助手，我地好錫兩姐妹，因為好醒目，話頭醒尾。（但 林峰 被人寫到好似『大滾友』咁？）識左佢咁耐，又唔覺佢花弗，見到女仔梗會望，但唔會親近，佢比我斯文穩重，同齡黎講佢最成熟。」

吳卓羲證老友 林峰 清白 2006年03月20日【文匯報】

【本報訊】吳卓羲就老友 林峰 再度被指返內地拍戲時帶女子入房，他也認識該位女事主，純粹是 林峰 的助手，對方還有位孖生妹妹，吳卓羲上次到內地拍攝《亂世佳人》時也是找這位孖生妹妹做助手，他大讚這對姐妹很幫到手:「佢地知道我們所需，其實，助手朝早入房幫手執東西出外景，逗留20分鐘完全不出奇，他們梗係幫老細執房，唔通要我地自己執咩？(以後會否找男助手，免除不必要是非?)男仔又會話『斷背山』，不過我寧願傳『斷背』也不要緋聞。( 林峰 有為該報道搵你訴苦嗎?)無呀，我都識佢助手，都費事問。」

吳卓羲力撐兄弟冇包女 2006年03月20日【太陽報】

吳卓羲（Ron）昨日與陳見飛、陳小韻及王秀琳出席《創意新衫》活動，並即場行Catwalk，示範創意新裝。自經歷冇拉褲鏈後，阿Ron笑言留下陰影，並自爆將褲鏈拉到勁實！　另外，對於好兄弟 林峰 被指在內地攬女，阿Ron即力撐：「個女仔係佢助手，其實佢地係一對孖女，上次我南京拍《亂世佳人》，我都有請細孖做我助手，今次阿峰個助手係大孖黎。（會唔會轉用男助手？）呢對孖女好醒目，話頭醒尾，搵男助手又話我地『斷背山』，寧願畀人話『斷背山』都唔想有咁多緋聞！」

吳卓羲替 林峰 說好話 2006年03月20日【大公報】

吳卓羲、王秀琳、陳小韻與陳見飛昨日出席「創意新衫『型』聚大埔超級城」活動。吳卓羲表演唱歌之餘，又與三位美女齊齊展示以鮮艷色調和環保為主題的春裝。吳卓羲穿上用絨紙製成的鮮紅外衣時，被取笑是否記得拉褲鏈，他坦言有心理陰影，臨出門都會檢查清楚。　問他穿紅衣是否催旺自己避是非。他說：「之前那些真是不必要的是非，其實不單是我， 林峰 也做了封面，那個內地女子確是助手，這個是家姐，她還有一個孖生妹妹，是我上次返內地拍《亂世佳人》的助手， 林峰 每次到內地都是用她的。」　吳卓羲盛讚這兩姊妹完全知道他們開工需要什麼，所以開工前都會入房幫他們準備好需要的東西帶往現場，在房內留二十分鐘絕不出奇。對情況如斯清楚，是否 林峰 就此事向他吐苦水？他說：「我無謂問他，他不會為這些事激氣，我們都很愛錫這兩姊妹，她們都是很聰明的人。（ 林峰 是花弗的人嗎？）我覺得不是，見女孩子望望也不出奇。（那他好色嗎？）他應該不會表露給我看，但我認識的他不是這種人，他比我斯文，大家年紀相近，他是比我成熟穩重。」

吳卓羲﹕傳斷背好過緋聞 2006年03月20日【明報】

【明報專訊】吳卓羲昨日與王秀琳、陳見飛、陳小韻等出席「創意新衫『型』聚大埔超級城」活動，席間眾藝人穿上以環保作主題的時尚服裝行 catwalk。　日前出席活動忘記拉褲鏈的阿 Ron直言自此之後有陰影，今日臨出門前也小心檢查褲鏈及鞋帶。對於好友 林峰 被指與內地女助手有染，阿 Ron強調自己返內地拍劇也有找該名女助手的妹妹幫手﹕「她知道我想要什麼，也會入我房執東西。（會否找男助手﹖）又話我斷背山，不過我寧願傳斷背，少點緋聞好過。」

吳卓羲寧願斷背山 2006年03月20日【蘋果日報】

吳卓羲及王秀琳等昨日穿上由大學生設計的環保服裝行catwalk，以王秀琳的錫紙露臍裝最為搶鏡。早前吳卓羲出席活動時忘記拉褲鏈，故他今次做模特兒特別檢查清楚。　談到最近他有不少是非，其老友 林峰 又被指在內地拍劇包女，阿Ron謂：「係囉！其實果個係 林峰 助手，呢個助手仲有個孖生妹妹，我大陸拍劇時候都叫過個妹妹幫我手。請女助手又會傳緋聞，請個男又話你斷背山，真係冇辦法，不過我寧願傳斷背山都好過傳緋聞。」